Zimbabwe Inoti Ichine Chivimbo Chekuti Ichawaniswa Chikwereti neSouth Africa

WASHINGTON D.C. — 

Mutauriri webazi rezvekudyidzana nedzimwe nyika, VaGedion Gapare, vanoti nhaurirano pakati peZimbabwe neSouth Africa dzichiri kuenderera mberi panyaya yemari yekukweretesa Zimbabwe mushure mekunge nyika mbiri idzi dzapeta musangano wekudyidzana nezuro muHarare.

Zimbabwe iri kutsvaga mari inodarika bhiriyoni imwe chete asi vaneruzivo nezviri kuitika vanoti South Africa haina hurongwa hwekuipa mari iyi.

VaGapare vanoti Zimbabwe iri kufara hayo kuti South Africa yakaivimbisavo kuibatsira nekudzidzisa mapurisa mashandiro pamwe nekuapa zvinhu zvekushandisa mubasa ravo.

Hurukuro naVaGedion Gapare